Жалпы ережелер
Келесі түрдегі мақалалар жазуға жол берілмейді:
- Саяси тақырыптағы мақалалар жазу. Біз барлығымыз еліміз үшін қайғырамыз, саяси жағдайды бақылаймыз, бірақ codeo ол үшін құрылмаған. Ондай тақырыптарды жазу үшін басқа ресурстарға барыңыз.
- Діни мәселелердегі мақалалар жазу. Егер тек қана бағдарламалау тілін дін ретінде қабылдағыңыз келмесе мұндай тақырыпты бұл жерде көтерудің қажеті жоқ.
- Тауарларды немесе өнімдерді жарнамалау мақсатындағы мақалалар. Егер көздеген мақсатыңыз тек ақша мен коммерция болса, сіз бізге жағаласудан басқа ештеңе тындырмайсыз. Одан да теңдесі жоқ тәжірибелеріңізбен бөлісіңіз.
- Сапасы өте төмен мақалалар. Біздің мақсатымыз сапалы мақалалар: қатесіз, мазмұнды, құнды, түсінікті. Егер де осы жақтарынан қиындықтар туса бірінші бізге хабарласыңыз, көмектесуге әрекет жасаймыз. Бірақ, оңды солды қарамай сапасыз мақала жазу рұқсат етілмейді.
Келесі түрдегі пікірлер жазуға жол берілмейді:
- Мақалаға қатысы жоқ пікір жазу.
- Балағат сөздер қолданылған пікірлер.
Сайттан мақала көшірілген жағдайда codeo.kz сайтына және мақалаға сілтеме көрсетілуі қажет.
Бірінші кезекте мақалаларыңызға деген сынауларға шыдамды болуларыңызды сұраймыз. Жеке мүдде мен аразданушылық мақалаларды/пікірлерді бағалауға кедергі келтірмеуі қажет. Бағаны тек контентке ғана беріңіз, адамға емес.
Егер де белгілі бір пайдаланушыға немесе мақалаға (авторлық құқық) шағымдарыңыз болса бізге хат жолдаңыз [email protected] .