Бағдарламалау тілін қару десек, әр бағдарламалау тілі қандай қару болар еді

Сәрсенбінің сәтті күні мына қызық Бьорн Типлинг-тің мақаласын ұсынамын. Ол бағдарламалау тілдерін қару ретінде алып, олардың қайсысы қандай қаруға ұқсататынын жазған. Әзіл мақала болғанына қарамастан әр тілдің артықшылығы мен кемшілігін байқауға болады )).



C — M1 Garant винтовкасы, ескі, бірақ сенімді.



С++ — нунчаки, Брюс Ли-дің қолында ең мықты құралға айналады, тек оны пайдалануды үйренуден алдын денеңнің біраз жері көгереді және көп уақыт кетеді. Кейн басқа нәрсе неге таңдамадым деп ойланып қаласың.



Perl — молотов коктейлі. Өткен ғасырда кеңінен пайдаланылған, бірақ, қазір де пайдаланылып тұрады.



Java — 240G пулеметі, бірақ егер лента NullPointerException-да қыстырылып қалса, қару жарылады да атқыштың өзін өлтіреді.



Scala — бұл жоғарыда айтылған 240G пулеметі, бірақ оның нұсқаулығы бір түсініксіз диалект тілде жазылған. Соншалық түсініксіздігінен оны көпшілік жай сандырақ деп түсінеді.



JavaScript — тұтқасы (н/се сабы) жоқ семсер. (кейде адамдар өздерін кесіп алмау үшін CofeeScript секілді тұтқалар жасайды, бірақ оның өзі кесілуден сақтамайды)



Go — қоқыстан тауып алынған бөлшектерден қолдан құрастырылған «if err != nil» тапанша. Сонымен бірге ол бос орынның орнына tab-пен атады.



Rust — 3D принтерде шығарылған тапанша. Әлі жас және сенімсіз, бірақ күндердің күнінде оқ атады.



bash — бұл қарапайым балға, жұмыс кезінде оған барлық нәрсе шеге болып көрінеді, керек десеңіз сіздің саусақтарыңыз да.



Python — екі ауызды мылтық, бірақ тек біреуімен ғана атады. Әркім өзіне ұнаған ауызбен атады.



Ruby — асыл тастармен өрнектелген семсер. Жалпы алып бара жатқан ерекшелігі жоқ, бірақ әдемі көрінеді, көпшілігі сол үшін де оны таңдайды.



PHP — шланг, онымен өлтіру үшін двигательден шығатын газды машина салонына жіберіп, двигательді қосу керек.



Mathematica — төменорбиталды лазерлі зембірек. Көп қызық нәрселер жасай алады, бірақ оны көп адамның қалтасы көтермейді.



C# — әлсіз есекке орнатылған күшті лазерлі зеңбірек. А, иә, ол есексіз ешқалай жұмыс жасамайды.



Prolog — жасанды саналы құрал. Әрине, ол сіз айтқан барлық нәрселерді істейді, бірақ сонымен бірге, өткен уақытқа қайтып сіздің анаңызға шабуыл жасайтын терминаторларды пайда қылады.



Lisp — қауіпті кесетін құралдардың жиынтығы. Тең ең қауіптілердің қолдында пайдаланылады.

  • +3
5 пікір
kamyrov
қызықты аналогия:), «балғамен» (bash) саусақтарымды талай ұрғаным есіме түсті))
yerbol89
Java — A pull round :)
tonukok
Меніңше құдай бар :))))
kamyrov
неге ондай ой туды?)
onlasyn
Типа орыстың «Бог есть» дегені шығар ))
Тек тіркелген қолданушылар ғана пікір қалдыра алады.