Microsoft Xamarin компаниясын сатып алды
![](http://codeo.kz/uploads/images/00/02/30/2016/02/25/7c313d.png)
Бүгін Microsoft компаниясында бұлттық технологиялар бойынша бөлімнің вице-президенті Скотт Гатри (Scott Guthrie), өз блогында компанияның Xamarin компаниясын сатып алғанын жариялады.
Xamarin кросс-платформалы мобильді бағдарламалар жазу құралын жасаумен айналысатын компания. Компанияның 120 елде 15 мыңдай клиенті, 1,3 миллион бағдарламалаушылары бар. Ол бұдан алдын да бірнеше рет Microsoft компаниясымен серіктесіп жобалар жасаған болатын: Visual Studio-мен интеграция, Azure, Office 365 т.с.с. Microsoft енді осы сатып алу арқылы осы интеграцияларды ары қарай дамытпақшы.
Еске сала кетсек Xamarin iOS, Android және Windows Phone үшін C# тілінде мобильді бағдарлама жазуға мүмкіндік беретін құралды жасайды. Сіз өзіңізге ұнаған тілде, сол тілдің бар мүмкіндіктерін пайдалана отырып бағдарлама жазасыз, бірақ сізге әр платформаға қажетті SDK-лар толығымен қолжетімді болады.
-
+1