Сұранысқа ие болатын қазақша сайттар, жобалар №1

Аса бір тәжрибиеміз көп болмаса да, алдағы уақытта сұранысқа ие болатын жобалар туралы қысқаша бөліктерге бөліп-бөліп екі жобадан жазып шықсам деген ниет пайда болды. Ондай ниеттің туына Сұрақ-Жауап сайтындағы сұрақтар:
Қазақ тілінде қандай сайттар болғанын қалар едіңіз?
Қалай кz сайт ашуға болады және ашу үшін ақша керек пе?
Қазіргі кезде де, болашақта жақсы сұранысқа ие болатын екі жобаны мысалмен келтіріп жазып көрейін.

медициналық портал, медициналық сайт
1. Медицинаға арналған жоба. Ия, ия алдағы уақытта медициналық жоба мейлі ол портал, мейлі ол контенттік жоба болсын медициналық порталға сұраныс өте жоғары болады. Қазіргі кезде қазақ тілінде медицина тақырыбында сұранысты толық қанағаттандырып отырған ешқандай жоба жоқ десем қате айтпаған болармын. Медициналық сайт сұранысты қанағаттандыру үшін мына санаттардың барлығын қамтуы керек.
1. Денсаулық туралы жаңалықтар
2. Денсаулық туралы кеңестер
3. Әр қала бойынша дәріханалар тізімі (пікір қалдыру (оставить отзыв))
4. Әр сала бойынша дәрігерлердің тізімі (пікір қалдыру (оставить отзыв))
5. Жеке меншік және мемлекеттік ауруханалардың тізімі және байланыс ақпараттары
6. Халық медицинасы туралы жазбалар
7. Видеолар
8. Дәрігерге онлайн сұрақ қою
9. т.б.
осы санаттарды толық қанағаттандыратын жоба болса, өте жақсы сұранысқа ие болады. Медицаналық порталдың негізін www.medkrug.ru/ сайтына алсаңыз болады.

Сайттың табыс көзі: Жарнама және ақылы қызметтер.
Жарнама. 2015 жылдан бастап теледидар, радио және газеттерде дәрі-дәрмектердің жарнамасы көрсетілмейді. Осы тақырып бойынша жаңалық шыққан: В Казахстане запретили рекламу лекарственных препаратов на телевидении, радио и газетах
Яғн бұл дегеніміз дәрі-дәрмектің жарнама қаражаты айналып келіп Интернеттегі сайттарға құйылатын болады. Өз кезегінде бірінші болып дәрі-дәрмекті жарнамалауға тақырыптық-медициналық сайттар алатыны белгілі.
Ақылы қызметтер. Сіз сайтыңызда көптеген дәріханалардың, дәрігерлердің тізімін, жеке меншік ауруханалардың тізімін толтырасыз. Сайттың техникалық мүмкіншілігін арттырып, сіз сұраныс кезенде ақысы төленген дәрігерді немесе дәріхананы бірінші орынға шығарып отырасыз. Қызмет үшін сіз айына немесе осы сайт арқылы келген тұтынушының белгілі бір пайызып ұстап отырасыз. Сервистік қызмет көрсету арықылы да портал жақсы қаражат көзін таба алады.

банк, ақша туралы, банк ақша
2. Қаражат, ақша арналған жоба.
Қазіргі кезде қаражат, ақша, банктер қызметтері туралы жазатын жоба өте аз. Қазір аздап бірнеше жобалар қосылып жатыр. Бірақ нақты қаражат, қаржы сауаттылығы, қаржатты дұрыс игеру туралы жақсы кеңестер, банктер мен банкоматтар тізімі, банктердің рейтінгісі жариялап, соңғы өзекті жаңалықтарды хабарлап отыратын жоба жоқтың қасы. Егер тұрақты оқырмандары көп қаражат туралы жоба болатын болса, ол жобаға потенциалды жарнама берушілер де өте көп. Қаражат, ақша арналған жоба сұранысты қанағаттандыру үшін мына санаттардың барлығын қамтуы керек.
1. Жалпы қаражатқа қатысты соңғы өзекті жаңалықтар.
2. Банктер мен банкоматтардың қалалар бойынша орналасқан орны, тізімі.
3. Банктердің арнайы критерилер бойынша рейтінгісі.
4. Пайдалы ақпараттар бөлімі, айдарлар бойынша. (Несие, банк, карта туралы пайдалы кеңес жазбалар)
5. Мамандармен сұрақ-жауап бөлімі.
6. Курс бағасы
7. т.б.
Қаражат, ақша арналған жобаның негізін www.banki.ru/ сайтына қарап алсаңыз болады. Немесе өзіміздің prodengi.kz/ сайтына да қарасаңыз болады.

Сайттың табыс көзі: Жарнама және ақылы қызметтер.
Жарнама. Тақырыптық жоба болғаннан кейін сайтқа жарнама беруге банктер, қаражатпен байланысты жобалар беруге ниетті болады. Одан бөлек сайтқа автокөлік, тұрғын үй сататын компаниялар да өз тараптарынан қызызушылартарын айта бастайды. Әрине өз кезегінде сайтыңыз сапалы әрі, біршама көп қолданушы кіретін жоба болуы қажет. Күніне 500 адам кіретін жобаға ешкімнің де жарнама беруге құлықты болмайтыны анық.
Қазіргі уақытта Каспи Банктің өзі де конкурс жариялап үлгерді. Конкурс аясында сіз ҚР қаржсы сауаттылығын арттыру жөнінде ұсыныстар жасасаңыз сізге 10 000 000 теңгеге дейін қайтарымсыз грант бере алады. Толық ақпарат мына сілтеме бойынша. Басты мақсат халықтың Қаржы сауаттылығын арттыру. Әр жанұя тым болмаса өз үйінің кіріс-шығыс есебін жүргізе алса екен деген ниет.
p.s. Тым болмаса жақсы жоба болатын болса жобаны БАҚ ретінде тіркеп, ҚР Қаржы министрлігінің тендеріне қатысып-ақ жобаны сүйреуге болады. Танысыңыз болса әрине.
Ақылы қызметтер
Мұнда да сервистік қызметтер көрсету арқылы сайттан қаражат көзін табуға болады. Қарапайым мысал келтірейін. Сіз банкпен келісім шартқа отырасыз. Мен саған депозитіңе отыруға бір клиент әкелсем сен маған 500 теңге бересің деп. Ал сайттан арнайы бір бет ашып сонда контексті жарнамамен қолданушыларды тартасыз. Контексті жарнамада бір шертілім 10-15 теңге болуы мүмкін. 10 шертілімнен өтіп келген тұтынушының 3-4-еуі допозит ашуға ниетті болып арнайы парақшаны толтырса сіз 500*4=2000 теңге. 2000-50 теңгені. Сонда таза табыс жобамен 1900 теңгені құрайды. Осы мысалыма prodengi.kz/bankformnew/page/178/ беті мысал бола алады. Осы бетке контексті жарнама арқылы қолданушыларды әкеліп сервистік қызмет көрсету арқылы қаражат табуда.
Одан бөлек банктер, олардың қызметі туралы сапалы ақылы жазбалар жазу т.б. көзінен жобаны толықтай жақсы табыс көзімен қамтамасыз етуге болады.

Әзірге жобалап жазбаны жазып шықтым. Алып қосар ойларыңыз болса пікірде ой қосуларыңызға болады.

  • +1
1 пікір
Bad_Robot
Медицина туралы сайт әзірленіп жатыр. Байқадам медиа групп жігіттері жасаймыз деген.
Тек тіркелген қолданушылар ғана пікір қалдыра алады.